Panimula

Isinulat ko itong tula
ng may alinlangan
na baka di mo magustuhan.
Pero nang simulan,
ito palang palaisipan
ay di mahalaga
dahil ang mas importante
ay ang mga alaala
na sing-timyas ng dyamante.

Gigisingin ito
mula sa iyong gunita
nang walang hinto
o panuto, kung paano
sasambulat ang ginto
sa bawat minuto.

Kaya, halika na…
tayo nang maglakbay
sa lipas na landas na makulay.
Tara nang magbulay-bulay.